कलाकार पल शाहले समीक्षा अधिकारीले दिएको जाहेरीलाई काउन्टर दिएका छन् । उनले समीक्षाको उजुरी नियोजित भएको भन्दै उक्साउने केही व्यक्तिको अडियो सार्बजनिक गरेका छन् ।
ती अडियोमा समीक्षालाई पलले यसो गर्यो उसो गर्यो भन्नू भनी सिकाएको स्पष्ट सुनिन्छ । पलले फेसबुकमार्फत सार्बजनिक गरेको एक अपिलमा उक्साउनेहरुको नाम उल्लेख गरेका छन् ।
गायक दुर्गेस थापा लगायतले षड्यन्त्र पुर्वक यसो गरेको प्रमाणका रुपमा उनले अडियो बाहिर ल्याएका हुन् । पलले लेखेका छन् ” जुन आरोप म माथी लगाईएको छ ति सबै नियोजित र षडयन्त्र पूर्वक ढङ्गले म माथी प्रहार गरिएको छ ।
उक्त अडियो क्लिपमा भनिए अनुसार ” पलले म सुतिराको अवस्थामा मलाई सिरक ओडायो अनि जवर्जस्ती गर्न खोज्यो” , “हाम्रो सम्बन्ध २ बर्ष अगाडी देखी भएको अनि १ बर्ष पछी मात्र मेरो गर्लफ्रेन्ड छ भन्यो” साथै ” घरबेटी र उसको म्यानेजरसँग मिलेर मलाई मार्न लगाइयो ” लगाएत बिभिन्न सुन्नै नसकिने कुराहरु भनिएको छ त्यो सबै गलत हो र यसको प्रमाण म दिन गईरहेको छु र सबै अडियो क्लिप सुनिसकेर के ठिक र के बेठिक भएको छ तपाईंहरु भगवान रुपी दर्शक, मिडियाकर्मी साथीहरुले औंलाईदिनुहोला ।”
यसअघि १७ वर्षीया ती गायिकाका परिवारले तनहुँमा बुधबार बलात्कारको जाहेरी दिएपछि प्रहरी ले उनको खोजी सुरू गरिसकेको थियो ।
पलले सार्वजनिक गरेको प्रमाण सही साबित भए दुर्गेस लगायत पनि अनुसन्धानमा तानिने देखिएको छ ।
