भुवन भुसाल, गुल्मी । गुल्मीको राष्ट्रिय माध्यमिक बिद्यालय छत्रकोट ६ दौघामा अक्षयकोष स्थापना गरिएको छ । सोहि बिद्यालयका पुर्व प्रधानाध्यापक भिमार्जुन ज्ञवालीले आफुले लामो समय सेवा गरेको बिद्यालयमा ५५ लाख ५ सय ५५ रुपैंयाको अक्षयकोष स्थापना गर्नुभएको हो ।
सोमबार बिद्यालयमा एक औपचारिक कार्यक्रमका बिच स्वर्गिय मातापिता र दाजु को नाममा सो अक्षयकोष स्थापना गरिएको हो स्वर्गिय कुल प्रसाद ज्ञवाली, स्वर्गिय दुर्पता ज्ञवाली,स्वर्गिय मोतीराज ज्ञवालीे नामको अक्षयकोष स्थापना गर्नुभएको हो ।
उक्त रकमको व्याजबाट बार्षिक रुपमा जेहेन्दार बिध्यार्थीलाई पुरस्कार प्रदान गरिने छ । वडा अध्यक्ष नारायण रेस्मी, पुर्व वडा अध्यक्ष थम्मन ज्ञवाली लगायत स्थानिय सरोकारवाला, शिक्षाप्रेमीको उपस्थितीमा कार्यक्रम गरिएको थियो । कार्यक्रममा बोल्ने बक्ताहरुले अक्षयकोष स्थापना गर्ने ज्ञवालीको मुक्तकण्ठले प्रशंसा गर्नुहँुदै बिद्यालयको तर्फबाट मायाँको चिनो प्रदान गरिएको थियो ।
