भुवन भुसाल, काठमाडौ । गुल्मीको छत्रकोट गाउँपालिकाले तिज गीत प्रतियोगिताको आयोजना गरेको छ । गाउँपालिकाको फेसबुक पेजमा एक सुचना जारी गर्दै गाउँपालिकाले भदौ १७ गते सोमबार प्रतियोगिता गर्ने बताएको हो ।
श्रिङ्गा जनता माध्यमिक बिद्यालयमा आयोजना गरिएको प्रतियोगितामा ६ वटै वडा बाट एउटा टिम अनिवार्य सहभागी हुनुपर्ने बताईएको छ । प्रतियोगीतामा प्रथम हुने समुहले १५ हजार र प्रमाणपत्र, दोश्रो हुनेले १२ हजार र प्रमाणपत्र, तेस्रो हुने समुहले १० हजार र प्रमाणपत्र पाउनेछ । प्रतियोगितामा सान्त्वना हुनेलाई समेत नगद ५ हजार र प्रमाणपत्रको व्यवस्था गरिएको छ ।
गाउँपालिकाका प्रमुख प्रशासकीय अधिकृत वीर बहादुर पुनका अनुसार प्रतियोगितामा महिला हकहित, महिला अधिकार, राष्ट्रिय/ स्थानिय संस्कृती सम्बर्द्धनका लागी प्रतियोगिताको आयोजना गरिएको हो ।
हेर्नुहोस सुचना
