भुवन भुसाल, गुल्मी । गुल्मीमा खोलाले बगाएका व्यक्तिको शव फेला परेको छ । मुसिकोट नगरपालिका वडा नं १ अरेवा निवासी बोम बहादुर कार्कीको शव मुसिकोट ४ दोभान स्थित छल्दि खोलामा फेला परेको प्रहरीले जनाएको छ ।
वामिटक्सार प्रहरी चौकी गुल्मीबाट प्रहरी बरिष्ठ नायव निरिक्षक लक्ष्मण बि.क को प्रहरी टोलीले कार्कीको शव खोलाको बिच भागमा फेला पारेको हो । घटना भए लगत्तै प्रहरीले खोजि कार्य सुरु गरेको थियो । घटनाको ६ दिन पछि बिहिवार साँझ ५ः४० मा शव फेला परेको हो । मृत भेटिएका कार्कीलाई साउन ५ गते साँझ छल्दी खोलाले बगाएको थियो । मामाघरमा बस्दै आएका कार्की सुस्तमनस्थितीका रहेको र खोला तर्दै गर्दा बगाएको जिल्ला प्रहरी कार्यालय गुल्मीका प्रहरी नायव उपरिक्षक शंकर पोख्रेलले बताउनुभयो ।
घटनाको थप अनुुसन्धानका लागी जिल्ला प्रहरी कार्यालय गुल्मीका प्रहरी निरिक्षक राम कुमार के.शीको कमाण्डमा ७ जनाको टोली खटिएको प्रहरीले बताएको छ ।
