गुल्मीमा जिप दुर्घटना भएको छ। तम्घास सिमलटारी सडक खण्डको रेसुङ्गा नगरपालिका ४ रैदिमा डबल क्याप जिप दुर्घटना हुदा जिपमा सवार ६ मध्य ४ जना घाइते भएका छन।
सदरमुकाम तम्घासबाट मदाने गाउँपालिका अग्लुङ तर्फ जादै गरेको लु १ च ८०२४ नम्बरको डबल क्याप जिपको ब्रेक फेल भई दुर्घटना भएको जिल्ला प्रहरी कार्यालय गुल्मीले जनाएको छ । प्रहरीका अनुसार घाइतेहरूको अहिले गुल्मी अस्पतालमा उपचार भइरहेको छ ।
घाइतेहरू मध्ये प्युठान गौमुखी गाउँलिकाका – २२ वर्षीय यम बुढा, र प्युठान गौंमुखी गाउँपालिका- १ अर्खाका २१ वर्षीय नबिन बुढालाई पाल्पा रेफर गरिएको बताइएको छ । भने गुल्मीको मदाने गाउँपालिका- १ अग्लुङ्गका २१ वर्षीय लक्ष्मण जि सी र सोही स्थानका २८ वर्षीय चन्द्र मगरको गुल्मी अस्पतालमा उपचार भइरहेको छ ।
