गलकोटबाट बागलुङ जाँदै गरेको जीप दुर्घटना भएको छ । काठेखोला गाउँपालिका–१ एकपाटा आइतबार जीप दुर्घटना हुँदा सवार चार जना घाइते भएका छन् ।
प्रदेश ३–०१–००३ च ८६२५ नम्बरको गाडी काठेखोला–१ एकपाटामा मध्यपहाडी लोकमार्गदेखि १० मिटर तल खस्दा चालकसहित चार जना घाइते भएका जिल्ला प्रहरी कार्यालय बागलुङका प्रहरी नायव उपरीक्षक मदन केसीले जानकारी दिए।
प्रनाउ केसीले जीपमा सवार गलकोट नगरपालिका–३ हटियाकी ५२ वर्षीया नितु श्रेष्ठ, ५४ वर्षीय बिरबल श्रेष्ठ, ५९ वर्षीय कृष्ण श्रेष्ठ र चालक २६ वर्षीय अविशेक श्रेष्ठ घाइते भएको बताए।
घाइतेहरुको धौलागिरी अस्पताल बागलुङमा उपचार भइरहेको र उनीहरुको अवस्था सामान्य रहेको छ ।
