टोपलाल अर्याल, गुल्मी
गुल्मीको छत्रकोट गाउँपालिक-२ पल्लिकोट स्थित रानिबनबाट लागेको आगो बस्तीमा पसेपछि चार गोठ जलेका छन ।
आगोले स्थानीय ७१ बर्षका सुर्य बहादुर रजालीको हात खुट्टामा जलेर घाइते भएको जिल्ला प्रहरी कार्यालय गुल्मीका प्रमुख प्रहरी उपरीक्षक नवीन किशोर प्रधानले जानकारी दिए । उनको श्रृङ्गा प्राथमिक स्वास्थ्य केन्द्रमा उपचार भइरहेको छ ।
आगोले छत्रकोट गाउँपालिका वडा नं २ डाङ्ग्रेँ वस्ने वर्ष ४७ की खिमा रजालिको २ तले गोठ पुर्ण रुपमा जलेको छ । त्यस्तै आगोले सोही स्थानका ४७ दुर्गा बहादुर रजालिको गोठ सगै एउटा बोका मरेको छ ।
सोही ठाउँकै बर्ष ४० की रुपा बलाले र वर्ष ४० कुल बहादुर रजालीको गोठ जलेर पुर्ण रुपमा नष्ट भएको प्रहरीले जनाएको छ । रुरु गाउँपालिका र इस्मा गाउँपालिकाका विभिन्न स्थानमा पनि आगलागी भएको प्रहरी उपरीक्षक प्रधानले बताए ।
