रुकुम पश्चिममा एक पुरुष माथी चक्कु प्रहार गर्ने चार जनालाई प्रहरीले पक्राउ गरेको छ । सामान्य विवादको क्रममा चौरजहारी नगरपालिका १ निवासी ५९ बर्षिय डिलबहादुर भाटलाई चक्कु प्रहार गर्ने चार जनालाई पक्राउ गरिएको जिल्ला प्रहरी कार्यालय रुकुम पश्चिमका प्रहरी निरीक्षक विष्णु श्रेष्ठले जानकारी दिनुभएको छ ।
प्रहरीका अनुसार पक्राउ पर्नेहरुमा चौरजहारी नगरपालिका १ निवासी १८ वर्षिय बिनोद विष्ट लगायत चार जना रहेका छन । अन्य तीन जनाको नाम भने खुलाईएको छैन । घाईतेको चौरजहारी अस्पतालमा उपचार भईरहेको र घटनाको थप अनुसन्धान भईरहेको प्रहरीले जनाएको छ ।
