भुवन भुसाल, गुल्मी
गुल्मी जिल्लामै पहिलो पटक आयोजना गरिएको सुन्तला महोत्सबको तयारी पूरा भएको छ । किसानलाई उत्प्रेरणा र सम्मानका निम्ति आतोजना गरिएको महोत्सबको सबै तयारी पूरा भएको आयोजक अनमोल कृषक समुहका अध्यक्ष बिष्णु पन्तले बताउनु भयो ।
किसानको सम्मान, सुन्तला केन्द्रित प्रतियोगिता र साँस्कृतिक कार्यक्रम सहित संचालन हुने कार्यक्रममा जिल्लाका सबैजसो सरकारी तथा गैरसरकारी कार्यालय प्रमुखको सहभागिता रहने छ । महोत्सबमा सुन्तला खाने प्रतियोगीता र सुन्तलाको भारी बोकेर दौड प्रतियोगिता समेत संचालन हुने अगुवा किसान रामु पन्थले जानकारी दिनुभयो ।
बार्षिक डेढ करोड बढिको सुन्तला निर्यात हुने छत्रकोट ३ लुम्छामा यो कार्यक्रम आयोजना गरिएको छ ।कार्यक्रमको पुर्व सन्ध्यामा आज लुम्छा बजारबासीले बजार सरसफाई गरेका छन । स्टेज निर्माण, स्वागत गेट निर्माण, विभिन्न उपसमिति गठन लगायतका काम सम्पन्न भएर अब अतिथि र दर्शकलाई छत्रकोटले पर्खिरहेको गाउँपालिका अध्यक्ष राम प्रसाद पाण्डेयले बताउनुभयो ।
