भुवन भुसाल, गुल्मी
छत्रकोट गाउँपालिका ३ लुम्छामा भोलि बिहिबार हुने सुन्तला महोत्सवको तयारी तिब्र पारिएको छ । बजार सरसफाई, मन्च व्यवस्थापन, स्वागत द्वार निर्माण लगायतका काम धमाधम भैरहेको आयोजक अनमोल कृषि समुहका अध्यक्ष बिष्णु प्रसाद पन्तले जानकारी दिनुभयो ।
महोत्सवको पुर्व सन्ध्यामा आज लुम्छा बजार सरसफाई गरिएको छ । यहाँका स्थानियको सहभागितामा आज २ घण्टा लगाएर बजार सरसफाई गरिएको हो । जिल्लामै धेरै सुन्तला उत्पादन हुने क्षेत्रको रुपमा रहेको यस क्षेत्रमा भोली सुन्तला महोत्सव आयोजना गरिएको छ ।
कार्यक्रममा सुन्तला र सुन्तला बाट बन्ने परिकार प्रदर्शनी गरिने छ भने किसान सम्मान कार्यक्रम समेत आयोजना गरिएको छ । जिल्ला स्थित सरकारी एवम् गैरसरकारी संघसस्थाका प्रमुख बाट सुन्तला बगैँचा अनुगमनका साथै सुन्तला लाई नै केन्द्रमा राखेर बिभिन्न प्रतियोगीता संचालन गर्ने कार्यक्रम समेत रहेको आयोजकले बताएको छ । कार्यक्रममा स्थानिय कला संस्कृति झल्किने सांस्कृतिक प्रस्तुती समेत देखाईने बताईएको छ ।
