काठमाडौं बाट रुकुम पश्चिमका लागि छुटेको बस त्रिशूली नदीमा खसेको छ ।
बा ४ ख ५७ २० नम्बरको बस पृथ्वी राजमार्ग अन्तर्गत धादिङको बेनिघाट रोराङ गाउँपालिकाको सडकबाट त्रिशूली नदीमा खस्दा गाडीमा सवार २० जना घाइते भएका र घाइते मध्ये एकजना गम्भीर घाइते भएका छन् । घाइतेहरुको उद्धार गरी काठमाडौं पठाइएको प्रहरीले जनाएको छ ।
साँझ सवा ६ बजे धादिङ बेनिघाट रोराङ गाउँपालिका–१० हुग्दिखोलास्थित पृथ्वी लोकमार्गमा बस दुर्घटना भएको प्रहरीले जनाएको छ।
प्रहरी टोली घटनास्थलमा पुगेर उद्धार गरिरहेको र घाइतेलाई अस्पताल पठाइएको प्रहरीले जनाएको छ । डिएसपी श्याम बहादुर खत्रीका अनुसार गाडी पानीमा नडुबेकोले घाइतेहरुको सहज उद्धार गरिएको हो ।
