दाङ, वैशाख २२ । दाङको लमहीबाट जुम्लातर्फ जाँदै गरेको एउटा टिप्पर कर्णाली नदीमा खसेको छ । बा ५ ख २१८३ नम्बरको टिप्पर नदीमा डुबेर बेपत्ता भएको छ ।
जिल्ला प्रहरी कार्यालय दैलेखले बेपत्ता टिप्पर र चालकको खोजी भइरहेको जानकारी दिएको छ । चालकको नाम रामसरण सुनार रहेको भन्ने चेक पोष्टको इन्ट्रिबाट खुलेको प्रहरीले जनाएको छ । उक्त टिप्परमा अरु मानिस यात्रारत थिएकी थिएनन् भन्ने कुरा खुली नसकेको प्रहरीले जनाएको छ ।
प्रहरीका अनुसार मंगलबार राति साढे ८ बजेतिर कर्णाली राजमार्गअन्तर्गत दैलेख र कालिकोटको सिमानामा पर्ने आठविस नगरपालिका–४ कोटेसल्ला भन्ने ठाउँबाट टिप्पर खसेको थियो ।
