त्रिदेशीय कप फुटबल अन्तर्गत बंगलादेशविरुद्धको फाइनलमा नेपालले २–० को अग्रता बनाएको छ।
त्रिपुरेश्वरस्थित दशरथ रंगशालमा जारी खेलमा सञ्जोग राईले १८ मिनेटमा गोल गर्दै नेपाललाई अग्रता दिलाएका थिए । त्यसैगरी दोस्रो गोल विशाल राईले ४० औँ मिनेटमा गरे ।
लगातार ७ गेममा गोल नगरेको नेपालले आठौँ खेलमा दुई गोल गर्न सफल भएको हो । खेल हेर्नका लागि प्रधानमन्त्री केपी शर्मा ओलीले पनि रंगशाला पुगेका छन्।
किर्गिस्तान, नेपाल र बंगलादेश सहभागी खेलको शीर्ष दुईमा रहेका टोली फाइनल पुगेका हुन् ।
नेपालले समूह चरणमा बंगलादेश र किर्गिस्तानसँग गोलरहित बराबरी खेलेको थियो ।
बंगलादेशले किर्गिस्तानलाई समूह चरणको खेलमा १–० ले पराजित गरेको थियो ।
सो खेलमा आत्मघाती गोल किर्गिस्तानका लागि घातक बनेको थियो।
